ഡല്‍ഹി: ക്‌നാനായ വിമന്‍സ് ഫോറത്തിന്റെ വാര്‍ഷിക പൊതുയോഗം ഹോസ്ഖാസിലുള്ള സഹോദയ സീനിയര്‍ സെക്കന്‍ഡറി സ്‌കൂളില്‍ നടത്തി. പ്രസിഡന്റ് സുജ ലൂക്കോസിന്റെ അദ്ധ്യക്ഷതയില്‍ ചേര്‍ന്ന സമ്മേളനം സി. ലില്ലി ഫ്രാന്‍സിസ് എസ്.എം.എം.ഐ ഉദ്ഘാടനം ചെയ്തു. ഡി.കെ.സി.എം പ്രസിഡന്റ് എം.എം. ജോയി മുഖ്യപ്രഭാഷണം നടത്തി. മിഷന്‍ ചാപ്ലയിന്‍ ഫാ. സ്റ്റീഫന്‍ ജെ. വെട്ടുവേലില്‍, ഫാ. സാമുവല്‍ ആനിമൂട്ടില്‍, സി. വന്ദന എസ്.ജെ.സി, വൈസ് പ്രസിഡന്റ് ജോഫി ബാബു, സെക്രട്ടറി റീന ജോയ്‌സ്, ട്രഷറര്‍ ബിന്ദു സജി, ഷാന്റി വില്‍സന്‍ എന്നിവര്‍ പ്രസംഗിച്ചു. സി. ലില്ലി ഫ്രാന്‍സിസ് ക്ലാസ് നയിച്ചു. സമ്മേളനത്തില്‍ പുതിയ ഭാരവാഹികളെ തെരഞ്ഞെടുത്തു. നോര്‍ത്ത്-ഈസ്റ്റ് സോണ്‍ അംഗങ്ങള്‍ മാര്‍ഗ്ഗംകളി അവതരിപ്പിച്ചു.
