കുറ്റൂര്: കെ.സി.വൈ.എല് കോട്ടയം അതിരൂപതാ സമിതിയുടെ ഇക്കൊല്ലത്തെ യുവജനദിനാഘോഷം മലങ്കര ഫൊറോനാ സമിതിയുടെ ആഭിമുഖ്യത്തില് കുറ്റൂര് സെന്റ് മേരീസ് ഫൊറോനാ ദേവാലയത്തില് വച്ച് ആഘോഷിച്ചു. അതിതൂപതാ പ്രസിഡന്റ് ജേക്കബ് തോമസ് വാണിയംപുരയിടത്തിന്റെ അധ്യക്ഷതയില് ചേര്ന്ന സമ്മേളനം ക്നാനായ യാക്കോബായ സഭ കല്ലിശ്ശേരി മേഖലാ മെത്രാപ്പോലീത്ത കുര്യാക്കോസ് മാര് ഗ്രിഗോറിയോസ് ഉദ്ഘാടനം ചെയ്തു. അതിരൂപതാ ചാപ്ലയിന് ഫാ.ജിനു കാവില് ആമുഖ സന്ദേശവും, മലങ്കര ഫൊറോനാ വികാരി ജനറാള് ഫാ.തോമസ് കുരിശുംമൂട്ടില് അനുഗ്രഹ പ്രഭാഷണവും, മുന് മന്ത്രി മാത്യു ടി.തോമസ് മുഖ്യപ്രഭാഷണവും നടത്തി. കെ.സി.വൈ.എല് മലങ്കര ഫൊറോന പ്രസിഡന്റ് ജോബി ജോര്ജ് വാണിയംപുരയിടത്തില്, ഫാ.റെനി കട്ടേല്, ഫാ.ജോര്ജ് കുരിശുംമൂട്ടില്, ജിമ്മി തോമസ് കൊച്ചുപറമ്പില്, ഡോണ തോമസ് തയ്യില് എന്നിവര് പ്രസംഗിച്ചു. ദിവ്യബലിയോടെ ആരംഭിച്ച യുവജനദിന പരിപാടികളില് അതിരൂപതാ ഡയറക്ടര് ഡോ.ഫ്രാന്സിസ് സിറിയക് പതാക ഉയര്ത്തി. സിസ്റ്റര് അഡൈ്വസര് സിസ്റ്റര് സിന്സി എസ്.വി.എം അര്ധദിന സെമിനാര് നയിച്ചു. പ്രധാനമായും മലങ്കര ഫൊറോനയിലെ വിവിധ യൂണിറ്റുകളെ ഏകോപിപ്പിച്ചു കൊണ്ടു നടത്തിയ പരിപാടികളില് പങ്കെടുത്ത യുവജനങ്ങള് സമുദായ കൂട്ടായ്മയുടെ അനന്യമായ അനുഭവം പങ്കുവച്ചുകൊണ്ടു നടത്തിയ ചര്ച്ചയില് അതിരൂപതാ ട്രഷറര് ജിജോ വരകുകാല, വൈസ് പ്രസിഡന്റ് ടോജി പുഴക്കരോട്ട് എന്നിവര് നേതൃത്വം നല്കി. യുവത്വത്തിന്റെ ചലനാത്മകതയും, സമുദായ സ്നേഹവും പ്രതിഫലിച്ച പരിപാടികള്ക്ക് അതിരൂപതാ സെക്രട്ടറി ലിന്സണ് കൈതമല, ഫൊറോനാ ചാപ്ലയിന് ഫ.ടോംസി കൊച്ചുവട്ടോത്തറ, ഫൊറോനാ ഭാരവാഹികളായ സനോജ് മാത്യു പരുത്തിമുട്ടത്ത്, ഏബ്രാഹം മാത്യു ഇടശേരില്, കെവിന് കുരുവിള ജേക്കബ് കിഴക്കേപറമ്പില്, ട്രീസി രാജു ഒറ്റപ്ലാക്കില്, സജി ഏബ്രാഹം വടക്കേടത്ത് എന്നിവര് നേതൃത്വം നല്കി.
ജേക്കബ് വാണിയംപുരയിടത്തില്
