ന്യൂയോര്ക്ക്: ഇന്ത്യന് ക്നാനായ കാത്തില്ക കമ്യൂണിറ്റി ഓഫ് ഗ്രേറ്റര് ന്യൂയോര്ക്കിന്റെ 2010 ലെ പ്രവര്ത്തനോദ്ഘാടനം ന്യൂയോര്ക്കിലെ റോക്ക്ലാന്ഡിലുള്ള ക്നാനായ കമ്യൂണിറ്റി സെന്ററില് പ്രൗഡഗംഭീരമായ പരിപാടികളോടെ നടത്തി. ഫാ.ജയിംസ് പൊങ്ങാനയില്, ഫാ.ജോസ് തറയ്ക്കല് എന്നിവരുടെ കാര്മികത്വത്തില് അര്പ്പിച്ച ദിവ്യബലിക്കു ശേഷമാണ് സമ്മേളനത്തിനു തുടക്കമായത്. പ്രസിഡന്റ് ടോമി വടുതലയുടെ അധ്യക്ഷതയില് ചേര്ന്ന സമ്മേളനത്തില് സെക്രട്ടറി ജയിംസ് മ്യാല്ക്കരപുറത്ത് മുഖ്യാതിഥികളെ സദസിനു പരിചയപ്പെടുത്തി. റോക്ക്ലാന്ഡ് കൗണ്ടി ഹ്യൂമന് റൈറ്റ്സ് കമ്മീഷണര് ഡോ.രാം നഗുബന്ധി, സമുദായാംഗങ്ങള് അമേരിക്കന് രാഷ്ട്രീയത്തിന്റെ മുഖ്യധാരയിലേക്കു വരേണ്ടതിന്റെ ആവശ്യകത എടുത്തു പറഞ്ഞു. ഇന്ത്യന് കോണ്സുലേറ്റിലെ കോണ്സല് ഡോ.എം.സുബ്രഹ്മണ്യം, ക്നാനായ കൂട്ടായ്മയെയും, കെട്ടുറപ്പിനെയും പ്രകീര്ത്തിച്ചു. തുടര്ന്ന്് വൈസ് പ്രസിഡന്റ് മോളി തയ്യില്പുത്തന്പുരയുടെ നേതൃത്വത്തില് ഭദ്രദീപം തെളിയിക്കല് ചടങ്ങ് നടന്നു. കെ.സി.സി.എല്.എ റീജണല് വൈസ് പ്രസിഡന്റ് ബിജു വലിയകല്ലുങ്കല്, കിഡ്സ് ക്ലബ് പ്രിന്സിപ്പല്മാരായ ജയിംസ് തോട്ടപ്പുറത്ത്, സിസിലി നെടുംതുരുത്തില്, ജോസഫ് കീഴങ്ങാട്ട്, ബില്ഡിംഗ് ബോര്ഡ് ചെയര്മാന് ജോസ് ചാരാത്ത്, കെ.സി.വൈ.എല് പ്രസിഡന്റ് പ്രിയങ്ക ആശാന്പറമ്പില് എന്നിവര് പ്രസംഗിച്ചു. ഫാ.ജോസ് തറക്കല് സന്ദേശം നല്കി. ട്രഷറര് പ്രിന്സ് കിഴക്കേല് നന്ദി പറഞ്ഞു. തുടര്ന്നു നടന്ന കലാപരിപാടികള്ക്ക് ബിനു പുളിക്കത്തൊട്ടിയില്, പ്രിന്സ് തടത്തില്, രഞ്ജി മണലേല് എന്നിവര് നേതൃത്വം നല്കി. രാജു ഉറുമ്പേത്തിന്റെ നേതൃത്വത്തിലുള്ള ശ്രുതിമധുരമായ ക്വയര് ഏവരുടെയും പ്രശംസ നേടി. സജി വെങ്ങേലില്, ജോണ്സണ് വട്ടമറ്റം എന്നിവരുടെ നേതൃത്വത്തില് വിഭവ സമൃദ്ധമായ സ്നേഹവിരുന്നും ഒരുക്കിയിരുന്നു. പ്രതികൂല കാലാവസ്ഥയില് പോലും പരിപാടയില് പങ്കെടുക്കാന് എത്തിയവര്ക്ക് പാര്ക്കിംഗ് സുഗമമാക്കാന് സഹായിച്ചത് ജയിംസ് ആലപ്പാട്ടിന്റെ നേതൃത്വമാണ്.
ജയിംസ് മ്യാല്ക്കരപുറത്ത്
