കോട്ടയം : 2009-2010 അധ്യയന വര്ഷത്തില് നടന്ന സ്കൂള് തല ഫുഡ്ബോള് ടൂര്ണമെന്റുകളില് കോട്ടയം എസ്.എച്ച്.മൗണ്ട് ഹയര് സെക്കന്ഡറി സ്കൂള് ഹാട്രിക് വിജയം നേടി. ഈ വര്ഷത്തെ ബി.സി.എം. ഫുട്ബോള് ടൂര്ണമെന്റ്, എസ്.എച്ച്.മൗണ്ട് ഹയര്സെക്കന്ഡറി സ്കൂളില് നടന്ന എടാട്ട് മാണി മെമ്മോറിയല് അതിരൂപതാ ഫുട്ബോള് ടൂര്ണമെന്റ് കൈപ്പുഴയില് നടന്ന മോണ്. കണ്ടാരപ്പള്ളില് മെമ്മോറിയല് ഫുട്ബോള് ടൂര്ണമെന്റ് എന്നിവയില് ഒന്നാം സ്ഥാനം നേടിയാണ് എസ്.എച്ച്. മൗണ്ട് ഹയര് സെക്കണ്ടറി സ്കൂള് ഈ അപൂര്വ്വനേട്ടം കൈവരിച്ചത്. ടീം അംഗങ്ങളെയും പരിശീലകരെയും സ്കൂള് അങ്കണത്തില് ചേര്ന്ന യോഗത്തില് അനുമോദിച്ചു. വിജയാഘോഷറാലിക്കുശേഷം ചേര്ന്ന സമ്മേളനത്തില് സ്കൂള് മാനേജര് ഫാ. ജോസ് ചിറയില് പുത്തന്പുരയില് അധ്യക്ഷനായിരുന്നു ജില്ലാ സ്പോര്ട്സ് ഓഫീസര് തോമസ് പീടികയില്, പ്രിന്സിപ്പല് ഇ.എ. ജോസഫ്, ഹെഡ്മാസ്റ്റര്, സി.കെ. ബേബി, യു.പി. തങ്കച്ചന്, പി.റ്റി.എ. പ്രസിഡന്റ് രാജു ആലപ്പാട്ട് എന്നിവര് പ്രസംഗിച്ചു. ടീമംഗങ്ങള്ക്കും പരിശീലകരായ യു.പി. തങ്കച്ചന്, എം.പി. ഫെര്മിന് എന്നിവര്ക്കുമുള്ള ഉപഹാരങ്ങള് സ്കൂള് മാനേജര് വിതരണം ചെയ്തു.
രാജു ആലപ്പാട്ട്
