അരീക്കര: കോട്ടയം അതിരൂപതാധ്യക്ഷന് മാര് മാത്യു മൂലക്കാട്ട് മെത്രാപ്പോലീത്തയുടെ കൈവയ്പ് ശുശ്രൂഷ വഴി പൗരോഹിത്യം സ്വീകരിച്ച നവവൈദികന് ഫാ.ജോസ്ലിന് കണ്ടച്ചാംകുന്നേലിന് ഇടവക സമൂഹം ഊഷ്മള സ്വീകരണം നല്കി. മാലാഖാമരുടെ പ്രതീകാത്മക വേഷമണിഞ്ഞ കൊച്ചുകുട്ടികളും, വര്ണക്കുടയേന്തിയ തിരുബാല സഖ്യം അംഗങ്ങളും, മുത്തുക്കുടകളും ബാനറുകളും ഏന്തിയ മിഷന്ലിഗ് – കെ.സി.വൈ.എല് അംഗങ്ങളും, താളമേളങ്ങളും, ഇടവകാംഗങ്ങളുടെ സജീവ സാന്നിധ്യവും സ്വീകരണ ഘോഷയാത്രയ്ക്ക് പൊലിമ പകര്ന്നു. സ്വീകരണ സമ്മേളനം വികാരി ഫാ.സിറിയക് മാന്തരുത്തില് ഉദ്ഘാടനം ചെയ്തു. കുര്യന് നെല്ലാമറ്റത്തില്, അഡ്വ.സിജു മാത്യു, ജിനോ തോമസ്, അഞ്ജലി തെരേസ ജോസ്, മെര്വിന് ജോസ് എന്നിവര് ആശംസകളര്പ്പിച്ചു. ഫാ.ജോസ്ലിന് കണ്ടച്ചാംകുന്നേല് മറുപടി പ്രസംഗം നടത്തി.
