മിസിസാഗ: ക്നാനായ കാത്തലിക് അസോസിയേഷന് ഓഫ് കാനഡയുടെ (കെ.സി.എ.സി) ആഭിമുഖ്യത്തില് കെ.സി.സി.എന്.എ കണ്വന്ഷനുള്ള രജിസ്ട്രേഷന് കിക്കോഫും, ക്രിസ്മസ് ആഘോഷവും സംയുക്തമായി നടത്തി. ഓള്ഡ് അഡല്റ്റ് സെന്ററില് നടന്ന നിറപ്പകിട്ടാര്ന്ന ചടങ്ങില് കെ.സി.എ.സി പ്രസിഡന്റ് റോയി പുത്തന്കളം അധ്യക്ഷത വഹിച്ചു. സെക്രട്ടറി ജോബി വലിയപുത്തന്പുരയില് സ്വാഗതം ആശംസിച്ചു. കെ.സി.എ.സി മുന് പ്രസിഡന്റ് ജോസഫ് പതിയിലില് നിന്നും ആദ്യ രജിസ്ട്രേഷന് സ്വീകരിച്ചു കൊണ്ട് കെ.സി.സി.എന്.എ ജോയിന്റ് സെക്രട്ടറി ജോസ് ചാഴികാട്ട് ഡാളസ് കണ്വന്ഷന്റെ രജിസ്ട്രേഷന് കിക്കോഫ് ഉദ്ഘാടനം ചെയ്തു. കെ.സി.സി.എന്.എ റീജണല് വൈസ് പ്രസിഡന്റ് ജോഹന് തച്ചേട്ട്, നാഷണല് കൗണ്സില് മെംബര്മാരായ ജോസ് പാലകുന്നേല്, റോബിന് മൂലക്കാട്ട്, കെ.സി.എ.സി വൈസ് പ്രസിഡന്റ് എല്സമ്മ ജോണി, ജോയിന്റ് സെക്രട്ടറി ജോഷി ജേക്കബ് എടാട്ടുകാലായില്, ട്രഷറര് ബിനോയി കുരുട്ടുപറമ്പില്, മുന് പ്രസിഡന്റ് ജോമോന് എടാംപുറം തുടങ്ങിയവര് സന്നിഹിതരായിരുന്നു. ഫാ.ജോര്ജ് പാറേല് ക്രിസ്മസ് സന്ദേശം നല്കി. കുട്ടികളുടെ വിവിധ കലാപരിപാടികള് ചടങ്ങിനു വര്ണ പ്രഭ പകര്ന്നു
ജോബി വലിയപുത്തന്പുരയില്
